السلام عليكم
انا هنا هحط نصايح ممكن تساعدكم وتسهل عليكم اللغة
وممكن تكون متجدده ان شاء الله
1- اعمل دفترين خاص باللغة
الدفتر الاول : اي حاجة عجبتك واتشرحت باسلوب عجبك وكان سهل عليك
اكتبو فيها سواء من مدونتى او من اي مدونة تانيه
جمع في الدفتر ده كل حاجة
الدفتر التاني: انت بتاخد المعلومات وتعملها تصفيه وبتقارنها ببعضها وبتربطها
وبتكمل الناقص
يعني الدفتر التاني بتعملو زي كتاب بترجع ليه وقت ما تحتاجة (بيكون منظم وشكلوا حلو )
_________________
2- بعد ما تتعرف علي حروف اللغة الكوريه
دور علي كلام بالكوري واقرا فيه
مش مهم انت بطئ او بتجمع ببطئ
او حتى لما بتفتكر الحرف هيتنطق ايه بتاخد وقت
في الاول هتكون بطئ بس بعد كده نطقك هيبقي سريع
(لما تنطق الكلمة خدها واسمعها من جوجل واتاكد من نطقك )
________________________
3- وانت بتحفظ الكلمات
احفظ بس نطق الكلمة
وحاول انت تكتبها لواحدك
وبعد ما تكتبها بص علي الكلمة مكتوبه ازاي
لو زي ما انت كاتب ده شئ كويس
لو غلطت في حرف بسبب تشابه النطق ده مش عيب احفظ الحرف اللي غلطت فيه
شويه شويه مع التمرين هتلاقي نفسك بتتحسن
وبتقدر تفرق بين الحروف وبعضها
ومع حفظ كلمات كتير هيقلل من نسبه الغلط عندك في الكتابه
_________________
4 - احفظ كلمات كتير عشان تفهم اللغة الكوري
_____________________
5- اتفرج علي مسلسلات كوريه او برامج كوريه وحاول تفهم كلمه او 2 شويه شويه هتفهم ربع الحوار بعدها نصه بعدها هتفهم الحوار كامل
غير كده انت هتحسن طريقة نطق الكلمات
________________________
6 - سجل صوتك وانت بتنطق الكلمات والجمل الكوريه , واسمعها تاني , وقتها ممكن تلاقي غلط في نطق كلمة او حرف معين
هتساعدك انك تحسسن
ده غير انها
طريقة لذيذة وممتعة (بالنسبه ليا ) معرفش بالنسبه ليكم هتكون ايه ^_^
مع تحياتي : يومي سالم
ليست هناك تعليقات:
إرسال تعليق