السلام عليكم
اهلا بكم اعزائي في مدونتى هيا نتعلم اللغة الكوريه
النهارده الدرس هيكون بسيط جدا ان شاء الله
في الاول كده هقول احنا عملنا ايه
الاول اخدنا الحروف الساكنة(14)حرف
وعرفنا ازاي بتتنطق حسب موقعها من الكلمة
وبعدها اخدنا الحروف المتحركة(10)حروف , ونطقها ,وعرفنا ان مفيش كلمة بتتكون الا بوجود ع الاقل حرف متحرك واحد ,لان هو اللي بيكون المقطع اللفظى بعدها اخدنا الحروف الساكنة المزدوجة وقولنا انها بتاخد مكان الشده في اللغة العربيه و وصلنا للحروف المتحركة المزدوجة وطريقة نطقها هناخد النهاردة
طريقة الكتابة في اللغة الكوريه
يلا نبدا
زي ما انتوا شايفين في الصورة
1: حرف ساكن 2 حرف متحرك 3: حرف ساكن ممكن الكلمة الكوريه تتكتب بشكل عمودي
وده حسب الحرف المتحرك
الحروف المتحركة اللي بتخلي الكلمة واخده شكل عمودي هي
ㅛ,ㅗ,ㅜ,ㅠ,ㅡ
مثال 
هاخد اول شكل علي الشمال
زي 구
تاني شكل
골
في حروف بتخلي الكلمة تاخد شكل افقي الحروف اللي بتخلي الكلمة تاخد شكل افقى هي :
ㅕ,ㅑ,ㅐ,ㅔ,ㅓ,ㅏ,ㅣ
مثال هناخد تالت شكل في الصورة
가
رابع شكل
갈
لما تعرف المقاطع اللفظية اللي انت بتكتبها هتعرف تكتب الكلمة صح في شكل اخير ولكن هو نادر اوي زي
삶
وجود اربع حروف في كلمة واحده
وده مش بيجي الا في حالتين 1- لما يجي بعدهم مقطع لفظي بيبدا بحرف نتحرك زي
삶 아
2- لما يجي مقطع لفظي فيه بدايه حرف ساكن
삶 사
بس كده خلصنا
يارب يكون الدرس سهل عليكم
مع تحياتي : يومي سالم
ليست هناك تعليقات:
إرسال تعليق