الدرس الثاني : حروف العلة (1)

السلام عليكم

-       اهلا بكم اعزائي في مدونتي هيا نتعلم اللغة الكوريه

-       النهارده هناخد درس جديد

حروف العلة

-       زي ما قولت قبل كده ان حروف العلة تتكون من 10 حروف

-       هناخد منهم النهارده 3 بس

-       وعايزة اقول حاجة

حروف العلةال 3 دول زي التشكيل عندنا في اللغة العربيه

الفتحة , الضمة , الكسرة

دى الحروف اللي هناخدها النهارده

ㅣ , ㅓ , ㅏ

ملاحظة :

- حروف العله للاسف نطقها شبه بعضو ولازم تسمعوها كتير عشان تفتكرو المييز بينها

-       هى سهله بس المشكلة مش في التمييز بينها

المشكلة هى انكم تفتكرو التمييز ده^_^

-       وعشان كده عيزاكوا تسمعوها كتير جدا

-       وكل حرف لما يتشابه ف نطق مع التاني اعملو مقارنة بينهم وشوفو الفرق فين

-       طبعا انا هديكم موقع تسمعو النطق منه

انا عارفة الاندفاع لما تشوفو حروف العلة كلها(هتحبو تسمعوها كلها ^_^ )

بس ياريت تبقوا معايا خطوة خطوة

عشان مش تتلخبطوا

-       مش يلا نبدا بقي عشان مليت من الرغي ده

  ㅏ

-       يقابل الفتحة في اللغة العربيه عندنا

-       وينطق a

ㅓ

-       يقابل الضمة في اللغة العربيه عندنا

-       وينطق o

ㅣ

-       يقابل الكسرة في اللغة العربيه

-       ينطق e

متنسوش ان حروف العلة مش بتيجي في اول الكلمة لواحدها

لازم يسبقتها حرف ㅇ

بيكون شكلها كده 

아

어

이

امثلة :

차

- ㅊ.... زي ما قولنا بتتنطق ch

- ㅏ ... بتتنطق a

يعني الكلمة هتبقي cha ( تشا ) 

انا هسيب الكلمتين دول تقروهم لواحدكم 

اقروهم زي ما بتقرو العربي 

بعد ما تقروا الكلمة انطقوها بسرعة 

واكتبو النطق بالانجلش والعربي زى ما عملت عشان اعرف جمعتو قد ايه من الدروس ^_^

학점

학기

-       ده موقع للغة الكوريه

طريقة نطق حروف العلة

بس للاسف لما حاولت اتعلم منو مش نفع لانو مش فيه معلومات تفيد المبتدئين

ف استفدت منه في النطق

في الرابط ده امشو بالسهم علي الحروف اللي اخدتوها النهارده

وهو هينطق الحرف واسمعو الحرف ورددوه

مع تحياتي : يومي سالم